Saguzarrak hobeto ezagutzeko haur eta familiei zuzenduta antolatu du Saguzar gaua Fagus Alkiza interpretazio-zentroak. Bi zati izango ditu jarduerak: lehenengo adituen saguzarrei buruzko azalpenak jasoko dituzte parte hartzaileek, eta ondoren ibilalditxoa egingo dute animalia horiek behatzeko eta saguzarrak detektatzeko tresnak nola erabiltzen diren ikasteko. Gainera, bertan hegan dabiltzan saguzarren espezieak identifikatu ahal izango dituzte.
Alkizako hilerri ondoko aparkalekuan elkartuko dira gaueko 20:45ean eta Naturtzaindiako kideen azalpenak entzun ondoren ibilbide gidatua egingo dute.
Ekitaldian parte hartzeko beharrezkoa da aurrez izena ematea. Horretarako. Email bat bidali kultura@alkiza.eus helbidera edo whatsappa 688 604 466 zenbakira.
SAGUZAR GAUA ALKIZAN
Noiz: uztailak 3, larunbata.
Non: hilerri ondoko aparkalekuan elkartuko dira.
Ordua: 20:45-22:30 (bi ordu inguruko saioa izango da)
Prezioa: alkizarrentzat eta 12 urtez azpikoentzat doan. Gainerakoek 5-€ ordaindu beharko dituzte.
Saioa Naturtzaindiako adituek gidatuko dute.
